Дзейнасць вялікакняжацкай канцылярыі ВКЛ у сферы знешняй палітыкі дзяржавы ў канцы XV – сярэдзіне XVI ст.

Abstract

На дзяржаўную канцылярыю была ўскладзена падрыхтоўка ўсіх дакументаў, ствараўшыхся ў цэнтральным апараце кіравання ВКЛ, а таксама праца з дакументамі, паступаўшымі з іншых месцаў. У сілу гэтага адной з важнейшых функцый канцылярыі стала забеспячэнне практычнай дзейнасці дыпламатычнай службы ВКЛ неабходнымі архіўнымі звесткамі і дакументамі. Да таго ж з кола яе супрацоўнікаў рэкрутаваліся дыпламатычныя агенты. Акрамя таго канцылярыя ажыццяўляла дакументальнае афармленне распараджэнняў гаспадара, паноў Рады і ўхвал соймаў, што датычылі мабілізацыйных і ваенных мерапрыемстваў, мераў фінансавага забеспячэння ўсіх сфераў знешняй палітыкі. Яна ж забяспечвала дастаўку гэтых распараджэнняў на месцы, фактычна выконваючы функцыі дзяржаўнай пошты.